Hugi Þórðarson

FÍH

Þegar ég kom heim úr vinnunni í dag biðu mín tvö bréf frá Tónlistarskóla FÍH. Fyrra bréfið sem ég opnaði byrjaði svona:

Ágæti umsækjandi. Okkur þykir miður að tilkynna þér að umsókn þín um skólavist veturinn 2006-2007 hefur ekki verið samþykkt.

Gríðarleg vonbrigði. En seinna bréfið byrjaði svona:

Ágæti umsækjandi. Okkur er ánægja að tilkynna þér að umsókn þín um skólavist veturinn 2006-2007 hefur verið samþykkt.

Og það er búið að loka skrifstofu skólans. Ég held að þetta sé hluti af alheimssamsæri dverga og kommúnista um að gera mig geðveikan.

Mjása

Jei, ég er fyrst! Ég vona að þú hafir komist inn því þú átt það skilið. Svo ertu líka tónlistarmaður af ástríðu og það er mjög aðdáunarvert.

Hugi

Hehe, takk Mjása - við sjáum til :-).

Carlo

Kannski ertu bara tvöfaldur í roðinu? Dr. Hugi og Mr. Hugo?

Hugi

Ég mundi reyndar gjarnan vilja gerast djasspíanisti undir nafninu "Dr. Hugo", svona þegar þú nefnir það. Mig hefur alltaf dreymt um að vera kallaður "doktorinn", bara svona almennt.

Útifrík

Draumar eru til að láta þá rætast, Doktor Hugo

Elín Björk

Alheimssamsæri, ekki spurning.

Lindablinda

Geturðu ekki þefað uppi skólastjórann og hringt í hann heim?????

Hugi

Frábært plan! Skólastjóri Tónlistarskóla FÍH er Björn Th. Árnason. Ég ætla að drekka í mig kjark og svo hringi ég í hann klukkan 3 í nótt og spyr hvort ég komst inn. Eða jafnvel betra, fer heim til hans og banka upp á hjá honum þarna úti á Álftanesi.

Sveinbjörn

Í svona tilfellum þá athugar maður dagsetninguna á bréfunum. Hah! Ég var ekki 4 ár í heimspeki við HÍ fyrir ekki neitt.

anna

Ljóta pakkið þarna hjá FÍH. Er þetta lið að reykja hass í vinnunni?

Vælan

hehe nei ég veit sko alveg hvað er í gangi, fyrra bréfið er frá djöflinum sjálfum, öðru nafni Stefáni "the demon schoolboard director" Hafstein og er hann með því að lýsa yfir sínum ógeðfelldu alheimsplönum sem snúast um aldurstakmörk í tónlistarskólana og hið síðara er þá frá englabossanum Júlíusi Vífli "the new improved angel schoolboard director" sem tók sig til eftir kosningar og lét það vera sitt fyrsta verk að slá á alheimsplönin ógurlegu og afnám regluna ógurlegu með einu feitu pennastriki.. jamm, svei mér þá maður veit bara ekki hvaðan á mann stendur veðrið þessa dagana, fyrst byggja sjallarnir óperu og svo þetta, það gæti bara farið að enda á að manni gæti farið að detta í hug að láta sér til hugar koma að kjósa þá einn daginn.. eða.. reyndar.. neehh..

Hugi

Sveinbjörn, auðvitað tékkaði ég á því, bæði merkt 23. júní. Ég tók meira að segja fram "Litla efnafræðinginn" og aldursgreindi blekið. Allt eins. Anna, þetta eru djassarar, hvað heldurðu?? Væla, fyrir það fyrsta: LOL. Fyrir það annað, bíddu aðeins á meðan hjartað í mér hægir á sér.... Bíddu... Bíddu.... Er búið að afnema aldursregluna hans Stefáns Jóns fyrir kennslugjöld í tónlistarskólum???

Hugi

Hvert þó í hoppandi blip blop blúbbs jíííha jibbijæjei húba hopp Derrick og félagar! <a href="http://www.leikskolar.is/displayer.asp?cat_id=18&module_id=220&element_id=2880">Það er búið að afnema aldurstakmarkið sem tónlistarterroristarnir í R-listanum komu á.</a> Sem þýðir að ef ég komst inn í skólann var verið að spara mér um tvö hundruð þúsundir króna. Ég býð sko upp á næsta hring á barnum! Þetta hélt ég að ég ég mundi aldrei segja: Lifi sjálfstæðisflokkurinn í borgarstjórn! Þeir eru vægast sagt að byrja vel.

Elín

Til hamingju og óhamingju Hugi, vona það besta fyrir þína hönd. Virkilega ljótt að fokka svona í fólki.

Carlo

FÍH? „Ég skeini mig á þeirra félagsskrá, gef skít í þeirra gamla betl og mjálm, ég snýti mér í sögu félagsins, þeir stál'af mér í allan pappírinn.“ FÍÁ með Fræbbblunum :D

Lindablinda

Jæja???

Hugi

Skólaritarinn er veikur í dag, þannig að ég fæ ekkert að vita fyrr en í fyrsta lagi á morgun. En það er allt í lagi, ég er ekkert spenntur að vita þetta hvort sem er. Neineineinei, það er bara ljómandi að viðhalda smá spennu í lífinu. (skrifað meðan ég ríf A4 blöð hægt í strimla)

Harpa

Auðvitað hefurðu komist inn í skólann Hugi. Þú ert með bréf uppá það!!! (Var nafnið þitt ekki á svarinu? Bara "Ágæti umsækjandi"?)

anna

Hvaða fokking moron hjá R-listanum setti þetta aldurstakmark á? Djöfull er þetta stoopid lið..

Vælan

Sammála Hörpu, þú tekur ekkert neikvætt svar gilt, þú ert með pappíra upp á skólavist. Ef einhverntíma var tækifæri til kjaftsháttar og almenns böggs er það núna. Og sjís, er skólaritarinn semsagt sá EINI í pleisinu sem getur svarað þér með þetta? Það finnst mér alveg hreint ótrúlegt.. búrókrasían lifir sumsagt þarna sem annarsstaðar. p.s. hvenær á ég að mæta í rándinn? sbr the old saying, don´t shoot the messenger but get the messenger stinking drunk instead.

Vælan

Anna, það var fávitinn með þriggjadaga skeggið og hvíttuðu tennurnar sem stundaði almennar svívirðingar við útvarpshlustendur hér á rástvöallralandsmanna um árið. Hann er búinn að vinna að því ljóst og leynt að eyðileggja tónlistarskólanna í Reykjavík síðustu árin. Enda ekki einn einasti heilvita tónlistarkennari sem lét sér detta í hug að kjósa þessi fífl í síðustu kosningum. Ætla ég rétt að vona þeas!

Hugi

Haha, takk fyrir stuðninginn, ég ætla nú að bíða og sjá hvort ég komst inn áður en ég dreg fram stóru sleggjuna. Og efast um að ég geri það hvort sem er - ég fæ mér bara einkakennara ef illa fer - og íbúar Hagamels 53 fá að njóta þess að hlusta á lélega djassstandarda í stað tónstiga og hljómagangaæfinga í eitt ár í viðbót. Og já, mæting í rándinn verður tilkynnt síðar. Vonandi á nýjum og endurbættum píanóbar að Hagamel þar sem hægt verður að halla sér upp að flygli við ölneysluna. Og Væla, <a href="http://hugi.karlmenn.is/Apps/WebObjects/Hugi.woa/wa/dp?detail=1000188&id=1000006">við deilum áliti á ónefndum manni</a>.

anna

Hvernig var það.. átti ekki að verða garden party þarna á pallinum? Hvað með svoleiðis roundup? Má ekki leigja kamra og svoleiðis?

anna

Já.. því þú ert náttúrlega komin inn! Ef þeir ætla að vera með eitthvað múður vill svo skemmtilega til að ég er áhugatannlæknir, skal koma með borinn minn (BOCH) og sýna þessum veika einstaklingi að það er eitt að vera veikur - allt annað.. að vera geðveikur.

Ms. Bean

hver þarf kamar þegar það er stór hola í garðinum? (Hugi - við förum í kamúflas fötin og rústum þessu liði, öllum ættingjum þeirra, gullfiskum og öðrum gæludýrum - EF þeir eru með múður við þig)

Orri

Dvergarnir og kommarnir eru hægt en örugglega að nálgast sín markmið. Ertu inni...eða úti?

DonPedro

Ég vil að þú komist inn. Og lagir RSS feedið þitt. Og allt sem ég vil að gerist...

Hugi

Anna, já takk, mættu endilega með borinn þinn. Ég skal mæta með steinborinn minn og get borað í hnén á þeim með honum á meðan þú sérð um andlitið. Baun, endilega mættu líka í kamúflasjinu, þú getur séð um að veiða fólkið fyrir okkur til að pynda. Þarna verður fjör fyrir alla! Og jú, Garden Party, ekki spurning. Hvernig væri nú að láta flygilinn taka stutt stopp á pallinum áður en hann er borinn upp og hafa þetta alvöru? :-) Kamrarnir eru algjör óþarfi, við setjum bara rúllu af klósettpappír við hliðina á sandkassanum. Pedro, takk fyrir tilkynninguna með RSS-ið - lagfært. Orri, ég er tvímælalaust úti. Ég kem ekki nálægt dvergúnistum.

Harpa

Hugi, sjáðu bara hvað vinir þínir eru tilbúnir að gera þér til stuðnings! Það er á hreinu að þú skuldar okkur almennilegt partí áður en nýja græjan fer upp í íbúð. Garðpartí, gwöð hvað þetta verður æðislegt. Sandkassi og allt. Mér finnst þú dásamlega hugulsamur að hugsa fyrir klósettpappír. Þetta hefðu ekki allir karlmenn leitt hugann að að er nauðsynlegt við þessar aðstæður.

Hugi

Harpa, auðvitað hugsa ég til ykkar! Og mundu að karlmenn nota líka klósettpappír. Meira að segja stundum á klósettinu.

anna

LOKSINS MUN EINHVER NOTA SANDKASSANN! Þ.e. einhver annar en kettirnir í hverfinu. Eigum við ekki að fá okkur tjald yfir hann?

Lindablinda

Tjald....puff! Er ekki sænska línan á þetta allt saman? En mér var lofað polka á pallinum. Ég er búin að vera að æfa mig á nikkuna í tvo mánuði!!! Annars hef ég aðgang að 8 metrum af ungum hraustum drengjum sem þurfa útrás fyrir heilbrigða reiði unglingsins ef þau í FÍH fara að vera með eitthvað múður.

Hugi

Tjald?! Er ekki bara stemning að hafa þetta opið, það eykur á Woodstock-fílinginn. Og opnar möguleikann á alls kyns keppnum þar sem áhorfendur geta hvatt menn til dáða. Við gætum að vísu hækkað klassann með smóking-klæddum aðstoðarmanni sem réttir handþurrkur og "hristir" og þess háttar. Linda, það verður polki eins og þú getur í þig látið - og hver veit, kannski ég fái að nota þessi reiðu ungmenni.

Carlo

Polka your eyes out!

Langi Sleði

ÉG sé ekki annað en að þú hafir bara fengið eitt... og aðeins eitt bréf. Ekki neitt annað.!