Hugi Þórðarson

Kvöldganga

Ég fór í stutta kvöldgöngu meðfram Ægissíðunni í gærkvöldi. Ég var þungt hugsi og starði niður á grátt malbikið meðan ég gekk. En á leiðinni heim leit ég upp og tók þá eftir því hvað kvöldið var fallegt, sólin sem var komin lágt á loft sló gullnum bjarma á himin, ský og haf, trén rétt bærðust í kvöldgolunni og í kyrru fjöruborðinu sátu friðsæl kolla og bliki hlið við hlið. Ég leit niður aftur og sá þá fyrst allar sóleyjarnar sem gægðust upp úr grasinu meðfram stígnum.

Merkilegt hversu mikið það getur breytt útliti heimsins að líta aðeins upp frá malbikinu öðru hvoru.