Hugi Þórðarson

Formaðurinn tjáir sig

{macro:km:picture id="1000564"}

Fréttastofa Ríkisútvarpsins náði loks í dag sambandi við leiðtoga Samfylkingarinnar sem staddur er í Svíþjóð.

Formaðurinn, sem geymdur er í krukku á taugadeild Karolinska Institutet í Stokkhólmi, tjáir sig með aðstoð grænna og rauðra ljósapera sem tengdar eru við rafskaut. Aðspurður um ástandið heima á Íslandi og stefnu Samfylkingarinnar svaraði hann "grænt, rautt, grænt grænt rautt" og klykkti svo út með tveimur loftbólum úr heiladinglinum - svokallað "brainfart".

Miðstjórn Samfylkingarinnar gaf í kvöld frá sér yfirlýsingu um að hún styddi stefnu forheilans heils hugar, og í dag fylktu flokksmenn liði víða um borgina syngjandi slagorðið "grænt, rautt, grænt grænt, rautt, blúbb, blúbb" og mátti skynja mikla gleði og samhug, enda langt síðan Samfylkingin hefur haft svo skýra stefnu.