Persneskar valhnetukökur

Innihald

• 200g fínt malaðar valhnetur (má líka nota pistasíur eða möndlur)
• 50g heilir valhnetukjarnar til skreytingar
• 4 eggjarauður
• 150g sykur
• 1msk kardimommuduft
• 1tsk matarsódi
• 1msk vatn

Aðferð

1. Blandið saman möluðu valhnetunum, 3 eggjarauðum, sykri, kardimommum og matarsóda.
2. Búið til kúlur á stærð við karlmannseistu (*hóst*) og raðið á bökunarplötu með smjörpappír. Hafið a.m.k. 5 sentimetra á milli kúlanna, þær þenjast vel út við bakstur.
3. Blandið saman fjórðu eggjarauðunni og vatninu með gaffli. Þrýstið valhnetukjarna ofan í hverja köku og penslið svo með eggjarauðublöndunni.
4. Bakið í um 20 mínútur við 180°C eða þar til kökurnar eru fallega gullnar.