Kjúklingabringur fylltar með gráðaosti

Innihald

• 4 kjúklingabringur
• 250g reykt kjúklingaálegg, smátt skorið
• 250g sveppir, smátt skornir
• 20g vorlaukur, smátt saxaður
• 2 hvítlauksrif, smátt söxuð
• 50g gráðaostur
• Cajun-krydd
• Smjör til steikingar

Aðferð

1. Hitið ofninn í 200°C
2. Brúnið kjúklingaáleggið og sveppina í smjörinu. Bætið vorlauknum og hvítlauknum á pönnuna undir lokin.
3. Takið pönnuna af hita. Blandið gráðaostinum vel saman við og maukið svo blönduna í matvinnsluvél.
4. Skerið gat á hverja kjúklingabringu og búið til góðan vasa innan í þeim. Troðið eins mikilli fyllingu og þið komið inn í hverja bringu.
5. Veltið bringunum vel upp úr cajun-kryddblöndu.
6. Brúnið bringurnar báðumegin á mjög heitri pönnu.
7. Smyrjið afganginum af fyllingunni ofan á bringurnar, setjið þær í eldfast mót og eldið í ca. hálftíma, eða þar til þær eru gegnsteiktar.

Ef þú átt ekki Cajun-kryddblöndu geturðu búið hana til. Ein uppskrift er t.d. hér:
http://generalhorticulture.tamu.edu/prof/Recipes/Season/season.html