Parmaskinku-ravioli-grænmetis-ljúffengi

Dásmlega girnilegt ravioli-salat með parmaskinku og léttsteiktu grænmeti.

Innihald

• Ravioli, heimagert eða úr búð, með þeirri fyllingu sem hverjum þykir best
• Grænmeti í grófum strimlum
• Salat, dökkgrænt!
• Ristaðar furuhnetur
• Parmesan
• Parmaskinka
• Balsamik-sýróp

Aðferð

1. Salat sett á diskana. Klettasalat er mjög gott.
2. Grænmeti í grófum strimlum léttsteikt upp úr olíu og kryddi. Ég notaði gulrætur, snjóbaunir, rauðlauk, papriku og kúrbít. Kryddaði með sjávarsalti, svörtum pipar, chili-flögum og cumin.
3. Ravioli soðið í 2 mínútur (eða eftir leiðbeiningum). Ég notaði prosciutto-fyllt ravioli en annað í uppáhaldi er spínat og ricotta.
4. Fallegt að leyfa salatinu og steiktgrænmetinu að mynda beð fyrir ravioliið sem svo myndar beð fyrir…
5. …skinkuna sem er sett í rósum ofan á ravioliið.
6. Grófum flyksum af parmesan-osti ríkulega dreift yfir.
7. Furuhnetum stráð yfir. Ég rista þær á þurri pönnu með Maldon-salti.
8. Kantarnir loks skreyttir með balsamik-sýrópinu sem dressar þetta upp.

Létt, þægilegt einfalt og óhugnanlega gómsætt.