Hugi Þórðarson

Frelsaður

Það verður vissulega að teljast til kraftaverka ef ég er kominn í tónlistarnám. Ég var oggulítið stressaður í prófinu, man lítið og held að ég hafi kynnt mig sem "Blehfluh". Man þó að meðal þeirra nóta sem ég spilaði voru afar fáar þeirra sem ég ætlaði að spila en held samt í veika von um að það hafi hljómað eins og djass. Það gerist gjarnan þegar maður þrýstir á mikið af röngum nótum.

Það var samt gaman að prófa að vera trúaður í smá tíma og ég skjalaði reynsluna svo aðrir geti lært af henni.

12:00
Leitaði til samtaka sem sérhæfa sig í afpúkun. Gunnar nokkur fer með mig í bakherbergi þar sem... Eða nei annars, ég vil ekki rifja það upp. Sárar minningar. En örugglega vel heppnað því þetta er einhver sú kröftugasta afpúkun sem ég hef lent í. Note to self: Muna að bæla minninguna niður í kvöld.

12:30
Kaþólska kirkjan hefur samband og tilkynnir mér að ég hafi verið tekinn í dýrlingatölu til að rétta hlut rauðhærðra á dýrlingaskrá. Segja að því formsatriði að ég sé enn á lífi verði reddað á tveimur til þremur dögum.

13:00
Runnar byrja að brenna hvar sem ég fer. Sumir þeirra tala við mig, aðallega um frjókorn. Kemst að því að ég á ekkert sameiginlegt með runnum.

13:15
Horfði á hreina mey. Hún verður samstundis ólétt. Settur á meðlagslista hjá Tryggingastofnun.

13:30
Gekk framhjá Landspítalanum. Þrír holdsveikir læknast og einn látinn rís upp frá dauðum. Beðinn af skelkuðum starfsmönnum líkhússins að hypja mig af lóðinni og halda mig framvegis frá spítalanum.

13:45
Inntökupróf. Guð yfirgefur mig.

14:00
Guð talar við mig, afsakar fjarveruna í prófinu, segist vera með verk í hnénu og vantar íbúfen. Ég á ekki íbúfen og er samstundis ljóstaður. Slepp með sviðnar augabrúnir en held mig innandyra þar til kallinn róast.

14:15
Talaði tungum. Enginn nærstaddur tekur eftir breytingu á mér.

14:30
Leiddi gamla ísraelska konu yfir Miklubrautina. Þakkað sérstaklega fyrir að vera 39 árum, 364 dögum, 23 klukkustundum og 59 mínútum sneggri en sá sem leiddi hana síðast.

14:45
Kíkti heim. Eltur uppi og krossfestur af Rómverjanum í íbúð 3C og dey þremur mínútum síðar fyrir syndir íbúanna í íbúð 1D. Rís aftur upp á mettíma og er mættur tímanlega í miðdegiskaffið í vinnunni.

15:00
Ákveð að það sé allt of mikið bras að vera trúaður og girnist konu náunga míns í nokkrar mínútur. Óútskýranlegum fyrirbrigðum linnir samstundis, geislabaugurinn hverfur og ung börn hræðast mig aftur.

Oh well, easy come, easy go.

Lindablinda

Nú dey ég. Hahahaha! Ef þú kemst ekki inn þá er skólinn og djassheimurinn fátækari fyrir vikið. Ég hef hins vegar fulla trú á þérog er viss um að þú hefur staðið þig eins og hetja. (Kannast annars vel við Blefluh syndómið, er þekkt sem Flkehl um allan bæ). Sendi góða strauma til dómnefndar, ef það virkar ekki þá sendi ég þeim þennan pistil. Poj, poj :D

Kiðhildur

Veistu hvað það er pirrandi þegar þessir dauðu taka uppá því að fara að rísa upp þegar maður er búinn að opna þá? Allt innvolsið fer á gólfið og maður endar í einhverjum heilhveitis skúringum... that's what!!

Hugi

Takk Linda :-). Var að ljúka við að trappa mig niður eftir daginn með eldamennsku, búinn að hlakka til þess í allan dag að koma heim, setja djass á fóninn, skera niður fjall af mat, setja á pönnu og horfa á hann steikjast - ekkert til meira róandi. Þerapía. Nú vantar mig bara mjúkan kvenmannsfaðm til að leggjast í og hugga... Nei, hvur bölvaður, það er koffín í þessu tei! Haha, Kibba, mér fannst ég einmitt sjá þig þarna í fjarska að hrópa á eftir mér með moppuna í hendinni.

baun

Life of Hugi - nóg til að gera páfann sjálfan trúlausan..

Da Pope

Welcome to the club my son. God

Elín

Vona að þú komist inn og til hamingju með tilvonandi erfingja :)

Hugi

Takk Padre. Takk Elín. Ef það er stelpa, þá mun ég skíra hana Jesúfínu Elínu.

Nietzche

God is dead!

Hugi

Páfinn, Nietzsche, Baun. Ég bara spyr hver tjáir sig næst? Íþróttaálfurinn?

Kalli

David Hasselhoff vona ég.

Elín

YES.... mig hefur alltaf langað í alnöfnu!

Skakklappaður Scheving

Íþrótta hvað, ha ?