Kvikindið þitt?

skelfilegt, hreint skelfilegt! ætla rétt að vona að haft hafi verið samband við aðstandendur, alla 218.657, fyrir þessa myndbirtingu.

Já baun, þetta er hreint hræðilegt. Og jú, vottaði öllum aðstandendum samúð mína í gær. Búinn að fá nóg af rödduðum tannbergsmæltum önghljóðum fyrir lífstíð. Kvikindi, jájá, auðvitað er ég kvikindi - það vita allir. En ég er samt aðallega bara reiður, hvar var eiginlega Flugumferðarstjórn? Þetta kallar á gagngera endurskoðun á flugöryggi og helst vildi ég láta hengja samgönguráðherra við hátíðlega athöfn niðri á Austurvelli. Sem fordæmi. Það er sorglega lítið um góðar hengingar í dag.

Smá forvitni! er þetta photoshoppað eða skelltir þú þér aftur í bláa rósótta kjólinn og föndraðir "police line"

Neeeeeeeeeeeeei! Ekki Berta! Hún var bara síðast að suða í mér í síðustu viku um hve lítinn svefn hún fengi eftir að hún eignaðist hundraðburana... Ég styð heilshugar opinberar hengingar, einhver verður að gjalda fyrir þetta!

Ester, þetta er auðvitað alvöru lögreglulína! Ásta,ég skil hvernig þér líður. Og mig vantar einmitt einhvern með blóði roðinn hefndarþorsta til að vera æðstiböðull þegar ég næ völdum. Ert þú ekki til? Ég vil hafa þetta mannúðlegt og snyrtilegt - ekkert blóð, bara hengingar, eitranir og kyrkingar. Við erum jú siðmenntað fólk.

þvílík snild!

Hugi Þórðarson þú ert snillingur. Algjör snillingur.

ég er til í starfið. sammála með ekkert blóð, það næst svo illa úr fötum.

Snilld, oh ég er svo glaður. Hlakka til að vinna með þér. Varðandi blóðið - hefurðu prófað þarna Vanish-duftið í bleiku pökkunum? Ekkert mál að ná blóði úr flestu efni með því, búið að bjarga mér í ótal skipti.

Já, hef prófað það (enda eru svo heillandi Vanish auglýsingar í sjónvarpinu, með brosmildum konum sem tala úr synci, að maður getur ekki annað en rokið útí búð samstundis til þess að geta prófað að hella mótorolíu á hreinu hvítu skyrtuna manns og þvo svo!). Finnst það virka ef maður er nógu snöggur að henda í vél. En maður hefur ekki alltaf tíma í það, böðlabissnessinn getur verið tímafrekur.