Hugi Þórðarson

Endurtekið efni

Einhver minna fjölmörgu aðdáenda er byrjaður að taka gamlar færslur eftir mig og birta í eigin nafni. Mjög virðingarvert framtak hjá stúlkunni og vel að verki staðið - hún leggur t.d. í heilmikla erfiða og leiðinlega vinnu við að yfirfara skrifin og lagfæra orðalagið svo það falli að kvenkyns höfundi. Og útkoman er alveg bráðskemmtileg. Ég sé strax að ég hefði orðið fyrirtaks kvenmaður.

En þetta er í þriðja skiptið sem einhver leitar hingað eftir innblæstri og endar með því að endurskrifa vefinn minn orðrétt. Og ég botna ekkert í þessu, þessir snillingar gætu endurskrifað texta eftir hvern sem er - t.d. Plató eða Sókrates eða Astrid Lindgren - en kjósa frekar að skrifa um mig og nærbuxurnar mínar.

Bergur

Vá hvað þetta er súrrealískt. Veistu hver þetta er?

Hugi

Ég hef ekki ljósmynd. Er farinn að velta því alvarlega fyrir mér hvort hinir persónuleikarnir mínir bloggi líka.

Esther

Það er magnað að sjá hversu margir vilja vera þú og þá aðallega konur, er það ekki? Var ekki síðasti textaþjófurinn líka kona? En að spurningunni sem liggur í augum upp: Ertu að gúggla heilu setningarnar úr eigin bloggi í leit að þjófum eða lestu bara öll blogg í heiminum?

Elín Björk

vá. Magnað maður!

Hugi

Esther, jú, síðasti endurskrifarinn var líka stelpa. Afar merkilegt. Lifi ég draumalífi hvers kvenmanns? Og ég les nú ekki alveg öll blogg i heiminum, en ég skoða reglulega hvaða nýjar síður eru með hlekki á mig. Þessi síða er þar, enda er stelpan að nota myndir beint frá mér.

Ósk

Þetta er alveg spes, það virðist sem þessi stúlka steli svona héðan og þaðan af öllu internetinu og geri að sínu eigin. Hér er hún Anna hrúkka sem fór til Palestínu http://berlinarborgari.tumblr.com/post/89528856/g-er-b-in-a-vera-a-lesa-gegnum-faerslur-sem-g#disqus_thread Hér er hún Ólafur Arnarson á Pressunni http://berlinarborgari.tumblr.com/post/195704367/lafur-ragnar-gr-msson-forseti-slands-raeddi-vi#disqus_thread Nema náttúrulega að Hugi séu allir þessir bloggarar og berlinarborgari.tumblr.com sé hið rétta andlit og þá er Hugi í raun bara alterego sjálfs síns...

Hugi

Jahá... Og ég hélt að ég væri skitsó.

Hugi

"Ég er mitt eigið alteregó" Úhú, ég held að þarna sé komið nafn á fyrstu bókina mína.

Esther

Vá, er hún með hlekk á þig? Frábær þjófur! Svona álíka snjall og sá sem logaði sig inn á Facebook á heimili sem hann var að ræna. Er svona slæm mæting í Að fela slóðina 103 í Ræningjaskólanum?

Ósk

Ég hefði frekar haldið að þar sem þú ert orðinn þíns sjálfs alteregó myndi myndast felling í tímasamfelluna og annaðhvort þú eða alheimurinn myndi hverfa. Ég vil frekar að alheimurinn hverfi en þú hverfir.

Siggi Árni

Ég mæli með því að allir sem tjáðu sig á upprunalegu færsluna tjái sig alveg eins í sömu röð hjá Þóru, nema bara sem gagnstæða kynið: http://karlmenn.is/Apps/WebObjects/Hugi.woa/1/wa/dp?id=1000006&detail=1000608

hildigunnur

mjöööööööööööööög spes, langt síðan maður sá svona dæmi. En hún er samt ekki að þykjast vera þú, það er verulega óþægileg tilfinning þegar einhver ókunnugur er að kommenta út um allan bæ undir nafninu manns og hlekknum. Best að kommenta, ég var víst fyrst hjá þér, skal líka pota í Elías...

hildigunnur

eða uh nei, maður þarf að búa sér til einhvern prófíl til að geta kommentað þarna! Veit ekki hvort ég nenni því nema þið hin lofið öll að gera slíkt hið sama...

Hugi

Esther, nákvæmlega - skandall hvað við eigum vanhæfa þjófa. Og nú langar mig að stofna ræningjaskóla. Með sérstöku valnámskeiði um hvernig passa skal upp á húfur, hempur og falskar gamlar fjögurra gata flautur. Ósk :) - ef ég lendi í fellingu í tímasamfellunni þá kemurðu bara með. SiggiÁrni - Ahahaha, snilldarhugmynd :) Hildigunnur, hefurðu virkilega lent í að einhver sé að skrifa undir þínu nafni úti í bæ?

Hugi

hildigunnur, hugmyndin er alveg brilljant en ég held að ég nái ekki á alla gömlu kommentarana, svo þú getur líklega sparað þér tímann. Mig grunar líka að þessi vefur verði horfinn fljótlega.

hildigunnur

Jamm, fyrir svona 2-3 árum var einhver hægrisinnuð beygla með vonlausan tónlistarsmekk og hræðilega stafsetningu farin að kommenta og setja síðuna mína sem vefslóð. Hrikalega óþægilegt en mér tókst að fá hana til að hætta. Já, ég hugsa þessi vefur verði ekki lengi uppi...

Hugi

Úff hvað þetta er spúkí. En hægribeygla í tilvistarkreppu... Kannski ekki svo undarlegt að hún hafi fengið leið á sjálfri sér og viljað prófa að vera vinstri viðkunnanlegt matreiðslutónskáld í einhvern tíma.

Ósk

Vá súrt, kannski maður prófi að ráfa um internetið kommentandi sem einhver annar í einn dag :/

Davíð Oddsson

Þetta Blogg er mér að skapi %)

Hannes

Oh Davíð, þú ert svo hot þegar hlutir eru þér að skapi. Flengdu mig!

Logi Helgu

"Góðar hugmyndir eru bara til tvenns nýtilegar; græða á þeim eða stela þeim"

Atli Páll Hafsteinsson

Þú veist þú ert góður þegar einhver er farinn að stela hugmyndunum þínum.

baun

andskotans dónaskapur er þetta hjá beyglunni! sveiattan! meira hvað fólk getur verið ruglað, en það verður þó að segja henni til hróss að hún stelur gæðavöru.

baun

ahemm. af hverju segir þú að læknavísindin hafi gert Michael Jackson fallegan?

Hugi

Logi, Atli - þetta er nú alveg í anda Open Source-hreyfingarinnar - fólk að njóta góðs og spara tíma með endurnýtingu á hugverkum annarra. Þótt það væri nú kurteislegra að geta heimilda. Baun, já, þetta er dónabeygla sem hlustar ekki á djass (hún breytti orðinu "djass" í "góð tónlist" í færslunni - fuss) og er örugglega með aflitað hár í þokkabót. Og hefurðu <em>séð</em> hvernig nefið á MJ var áður en hann fór í aðgerðirnar?