Prívatið
Fikt
Uppskriftir
- Aðalréttir 53
- Beikon 2
- Brauð og kökur 40
- Dýfur 2
- Eftirréttir 6
- Forréttir 5
- Kreppuuppskriftir 7
- Meðlæti 10
- Sælgæti 2
- Súpur 8
Hermann
7. febrúar 2006
Ég er loksins búinn að finna gæludýr við mitt hæfi, hann Hermann sem sést hér til hliðar.
Er hann ekki frábær? Ég ætla að þjálfa hann til að traðka óvini mína til bana með þessum óhugnanlega sætu fótum og ég er viss um að ég get líka með smá lagni komið honum upp á að borða mannakjöt, svona til að að lágmarka þrif.
Ef þetta gengur eftir þá á Hermann eftir að spara mér mikið vesen, því það er bæði tímafrekt og subbulegt að leysa fólk upp í krómsýru, auk þess sem það er ekki gott fyrir baðkarið, það er alltaf ferlega matt og ljótt í marga daga eftir hvert skipti.
Ef ég fæ ekki Hermann, þá er ég með augastað á dvergakyni sem er í prufuræktun hjá Dalsmynni, það er búið að græða leisergeisla í ennið á þeim þannig að þeir eru væntanlega ljómandi fínir til síns brúks líka. En ég hef heyrt að þeir þurfi mikla hreyfingu, þannig að þeir henta líklega ekki jafn vel á heimili í borginni.
Tjáskipti
hvað ER þetta eiginlega?
Nú auðvitað kanína! Og ég bara veit að Hermann og Albert verða perluvinir. Ég meina, skapvond risakanína og smáhundur, it's meant to be!
Mér þykir augljóst mál að ef þú færð þér risakanínu þá verðurðu að gjöra svo vel að fá þér landrover líka. Það er varla hægt að gera kanínunni það að bíða í þrjá tíma í skafli á meðan þú reynir á aumkunarverðan hátt að opna hurðarnar á litla smábílnum þínum. Nei landbúnaðartæki yrði það að vera
Hver er með þínum heittelskaða Hermanni á þessari mynd? Hans fyrrverandi? Grunlaust fórnarlamb?
Ég er ekki alveg viss, held samt að það sé brjálaði vísindamaðurinn sem hannaði hann, Hanslein von Staubsuger. Og Bryndís, Landróverinn kemur það er bara spurning hvenær. Hlakka strax til að taka Laugavegsrúntinn á föstudagskvöldum með Hermann í framsætinu.
Þetta minnir mig nú bara á hina stórkostlegu mynd "wallace and gromit, thu curse of the were-rabbid" stórkostleg mynd vægast sagt.
Curse og the were rabbit er frábær. Og náttúrulega Wallace & Gromit snillingar yfir höfuð.
Jaysez, Mahree 'n Jozef!!! Þetta er óguðlegt kvikindi. Höfuðið á honum er jafn stórt og á manni!
Tjáskiptaðu þínu eigin tjáskipti í tjáskiptin