Hugi Þórðarson

Endalok

Ég lá dottandi í letistólnum í gær þegar var bankað - nei - krafsað, í dyrnar hjá mér. Ég andvarpaði, viss um að þetta væri Frú Vigdís sem hefði aftur ruglast á sykurkarinu og rohypnol-karinu. Ég sótti adrenalínsprautu inn í skáp og fór til dyra.

En þegar ég opnaði dyrnar var það ekki Frú Vigdís, heldur Anna, sem lá í hrúgu við dyrnar hjá mér, svo sárgrátandi að gólfið var útmakað í augnskugga og hárið á henni leit út eins og afró-gone-terribly-wrong. Hún leit á mig og sagði "þe-he-he-heir dra-ha-ha-hápu Keeeen". Mér féllust algjörlega hendur, síðast skildi ég hana ekki fyrir brosi, nú skildi ég hana varla fyrir gráti. Kvenfólk.

Ég brosti fullur samúðar, Anna og sápuóperurnar hennar, hún lifir sig svo inn í þetta. Ég tók utan um hana og sagði "Svona svona, þetta var örugglega allt saman vondur draumur og Ken vaknar áreiðanlega í sturtu í næsta þætti, duddu duddu duddu, hérna er þurrka, viltu ekki snýta þér aðeins". Ég rétti henni vasaklút.

Anna snýtti sér kröftuglega með háværum trompettóni og leit svo skömmustulega á mig. Ég greip blautan vasaklútinn milli tveggja fingra og rétti henni annan. Hún snýtti sér aftur, tónninn var "des" í þetta skipti. Gott að hafa ágætis tóneyra stundum.

En svo bunaði hún út úr sér merkilegri sögu, að Ken (eða hugsanlega Ren. Eða Ben. Eða Stan. - ég náði nafninu ekki alveg milli ekkasoganna) væri ekki persóna í sápuóperu í sjónvarpinu, heldur hluti af sápuóperu lífsins. Og að hún elskaði hann. Og að hann hefði verið laminn í buff fyrir utan íbúðina hennar í gærmorgun.

Illur grunur læddist að mér og ég faldi blóðblett á buxunum mínum með annarri höndinni. "Hérna, er Ken (held að það sé nafnið) nokkuð svolítið líkur Jude Law?"

"Jaaaaaaááááá." *snökt, snökt snýt o.s.frv.*

Nú fór ég líka að gráta. Ég get ekki logið að Önnu. Og ég sagði henni sem var, að það var ég sem gerði úr honum kjötfars með golfkylfu. Anna horfði á mig ásökunaraugum, jafnvel þótt hún vissi að ég vildi vel. Og það var aðeins eitt sem ég gat gert í stöðunni, og það var að fara upp á spítala biðja Ken afsökunar á því að hafa reynt að myrða hann.

Þegar Anna var farin fór ég beint út í bíl og upp á Landspítala. Ég gekk að drýldinni konu í móttökunni og bað um að fá að hitta sjúkling með nafn sem rímaði við "en", og jú, það var einn "Ken" á staðnum og ég var sendur upp á þriðju hæð til hans. Þegar ég kom inn kannaðist ég strax manninn sem ég hafði lamið - hann var meðvitundarlaus.

En í því sem ég gekk að rúminu hrasaði ég um rafmagnssnúruna sem var tengd við öndunarvélina og reif megnið af rafverki herbergisins úr veggnum. Öndunarvélin stöðvaðist og ég horfði á Ken blána í framan meðan ég fátaði við vélina til að koma henni í samband aftur og öskraði á hjálp.

En ég gat ekkert gert. Ég horfði á Ken kippast til í svefninum - og svo færðist friðsæld yfir andlitið á honum.

Ég myrti Ken.

Lindablinda

Vissi að viðvakippir væru stórhættulegir og gætu hæglega drepið mann, forðast þá þessvegna í lengstu lög.

Sveinbjörn

Hvar fittar svo Barbie inn í þetta allt saman?

Carlo

Common, Hugi. Góður lögfræðingur reddar þér frá þessu á skilorði. Manndráp af gáleysi.

Simmi

Hugi - assisted suicide það er málið. Klikkar ekki í vörninni og auðvelt að fá vitni - er með nokkra Pólverja sem ég borga fyrir að vitna. Það alveg þrælvirkar og af því að dómtúlkarnir eru svo helvíti dýrir þá eru þeir alveg hættir að nenna eltast við míg út af snekkjunni...

Lindablinda

Ef þú drepur komment, þá verðurðu að stroka það út ;)

Gestur

Já, og ég drap Ken-nedy. Fyrst allir eru á trúnó hérna.

Carlo

I am the grassy knoll!

Gestur

Hugo, vissirðu að Carlo væri svona grösugur? Grassy Knoll og Tot? Nei, kannski ekki. Gæti misskilist.

Carlo

Ég misskildi þetta fyrst. Annars hlýtur þetta að hafa með að gera hvað ég drekk því ég borða ekkert mjög mikið gras.

Carlo

Hahaha! Ég var að skrolla og mislas „rohypnol kanínu“ út úr textanum hans Huga. Verið hræddar stúlkur annars kemur Rohypnol kanínan!

Hugi

Simmi, sendu mér eitthvað af þessum Pólverjum - ég kem til með að þurfa á þeim að halda. Nú er löggan farin að banka upp á og spyrja hvort ég hati Breta, hver afsataða mín sé til hersetu Breta á fjórða áratugnum, og hvort ég hlæi þegar ég horfi á Monty Python. Lúmskir fjandar. Og Gestur, Kalli er vissulega óvenju grösugur, ég hef séð hann nakinn og oh boy, oh boy. Strákurinn ER grösugur, hó hó hó, hubbah hubbah hubba o.s.frv.

Carlo

Plís görlfrend! Ekki vera að bera þetta út á torg svona. Ég er ekki einhver frú Vigdís, elskan!

Hugi

Oh, you... Fabulous! <a href="http://www.gillettevenus.com/us/">Var einmitt að finna fullkomnu gjöfina handa þér.</a>

Gestur

Það bregst ekki, þegar einhverjum tekst að etja ykkur tveimur saman, fer augnfarðinn að renna niður kinnarnar. Ég þarf að fá tips um eitthvað vatnshelt hjá ykkur elskurnar, Hugo og Carlo. (Hugo er ekkert hrifinn af Hugo nafninu tek ég eftir). Með hálfum Hugo væri mjög fjölþjóðleg vara.

Hugi

Gestur, ertu búin að kynna þér Forever Cosmetics línuna? Pólýúretan-augnfarðinn er alveg málið held ég :-). Og hvað varðar Húgó-nafnið, þá finnst mér "Húgó" alltaf vera einhverskonar loðinn dvergur og nota þess vegna ekki nafngiftina.

anna

Reyndar var það skógardýr (Húgó) - en samt.. lítið og loðið - svo ég skil Huga fullkomlega í þessari ákvörðunartöku. Eru til menn.. eða jafnvel konur.. sem heita Húgó?

Þór

Leit í þjóðskrá sýnir fjóra sem heita Húgó. Tveir búsettir í Danmörku, einn í Breiðholti og einn í Hafnarfirði. Ætli þeir séu skógardýr ?

Útifrík

Hugo er lítið og sætt og loðið skógardýr sem kann að syngja og verða ástfanginn, er hægt að fara fram á meira en það? Og skamm Hugi, það er ljótt að drepa fólk!

Carlo

Ég veit ekki betur en að Hallbjörn Hjartarson, kántríguð, hafi átt hund sem hét Húgó. Svo munið þið væntanlega eftir Hugo Boss og jafnvel Victor-Marie Hugo? Svo virðist vera til maður sem heitir Hugo Þórisson (skuggalega nálægt) og hann á vefinn hugo.is. Allar myndir af honum eru af heilum Hugo.

baun

Ken myrtur! Hvað verður þá um Barbí og börnin? (samsæri?)

Gestur

Já, sko. Húgó og Hugo er ekki það sama, er það? Hugo er meira svona Huugoo. Og pólýúrethan, ég vissi að ég væri að gleyma einhverju. Takk.

Hugi

Hey, ég kann að syngja og verða ástfanginn. Ætli ég sé í rauninni skógardýr? Ég hef annars lengi ætlað að lögsækja þennan svokallaða "Hugo Þórisson" sem er að reyna að selja sig út á að nafnið hans líkist mínu. Hann er svona eins og "Panasoanic"-símarnir, léleg eftirlíking.

Fía

Merkilegt hvað þú færð aldrei að slappa af í friði. Leggst fyrir í nokkrar mínútur eða sest niður með tímarit - end ol hell breiks lús... Nóg til að sturla hvern mann. Og - þó að Hallbjörn hafi sagt að Húgó væri aldrei púkó, þá læturðu ekki hafa þig útí að breyta Huga þínum.

Þór

You killed Ken(ny) ? Obligatory Southpark Quote: "You BASTARD!" :-)

Útifrík

Ekki Húgó, heldur Hugo. Jungledyret Hugo. Sætt, loðið, krúttlegt, sjaldgæft, kann að syngja og verða ástfangið, já og ótrúlega sniðugt og vinur vina sinna. Lítur svona út: http://teddy.tv2.dk/spil/jungledyrethugo/

Hugi

Já, Fía, ég er alveg að verða vitlaus á þessu, ég hef hvorki séð nýjasta Nýtt Líf eða Vikuna. Og hvað þá Mannlíf, sem var með viðtali við Bubba! En um helgina ætla ég að pakka öllum uppáhalds blöðunum mínum í bakpoka og ganga upp á Heklu. Ég bara hlýt að fá frið til að lesa þar, þ.e. ef að Frú Vigís og Larry King elta mig ekki uppi. Mér líka við þetta skógardýr Útifrík. Við erum með sama brosið. Ég er raunar í Skógræktarfélagi Norðfjarðar, ætli það sé nóg til að geta löglega kallað sig skógardýr?

hildigunnur

æi, nei, Hugi, þér líkar ekkert vel við þetta viðbjóðslega skógardýr. Ég fæ grænar bólur bara af því að hugsa um þann hrylling (aðallega þemað hans! Ooooojjjjjj!!!)

Lindablinda

Hversu miklar skemmdir verða þegar Hekla fer að gjósa? Bara gott að gera ráðstafanir fram í tímann. Crisis is the time to make money you know. Ég er búin að fylla fimmtán tunnur af vatni nú þegar og kaupa upp allar Heinz baunirnar í Bónus........

Hugi

Hildigunnur hann getur nú ekki verið alslæmur. Svona sætur lítill snáði? Dugleg Linda! En allar Heinz-baunirnar í Bónus? Mér heyrist að það sé fleira en Hekla sem er að fara að gjósa :-).

Lindablinda

Ég er nú ekki búin að éta fleiri en 3....ok 4.........damn - þar fór stofuskápurinn.

Þór

Linda: ertu búin að láta Almannavarnir vita ? Síðast þegar við bræðurnir tókum okkur til og vorum með pylsur í Heinz kryddbaunum var Breiðholtinu lokað vegna mengunar og bonar á okkur ákærur um hryðjuverk og efnahernað. Við fórum fram á sýknu saka og bárum fyrir okkur eiturbyrlun frá Ameríku. Og það voru bara tvær dósir... ;-j

Skógardýrið Púkó (formerly Hugo)

Tilkynning: Þar sem Hugi hefur fengið sett lögbann á notkun nafnsins Hugo (og öllum afbrigðum þess) þá hef ég neyðst til að taka upp sviðsnafnið Púkó. Virðingarfyllst, s.Púkó

.... Boss

Was ist los ! Hvurn djö... á ég að kalla vörulínuna mína núna? Hugi búinn að hafa af mér fyrri hluta nafnsins og Springsteen á seinni hlutann. Þetta er einn af þessum dögum sem ég vildi óska að mamma hefði gefið mér millinafn.

Hugi

Linda, varlega. Ég get lítið annað gert en látið þig fá tvö heilræði. Ekki grilla við opinn eld. Og sofðu með gluggann opinn, jafnvel í tjaldi. Og ef þú ætlar að sofa í svefnpoka þá má hann ekki vera úr polyester. Polyester-metan blandan myndar hættulegt sprengiefni og Heinz-fjölskyldan er t.d. talin bera mesta ábyrgð á "loftárásunum" á Dresden 1945. Þetta voru engar venjulegar loftárásir. Boss, ég biðst velvirðingar en ég get ekki liðið það að nafnið mitt sé notað til að selja lítil loðin dýr og föt. Ef þú vilt skapa þér nýja ímynd, þá mæli ég með því að þú veljir þér nafn sem byrjar á "The". Mér finnast það alltaf áhrifamikil nöfn, "The Hulk" og "The Crusher" verandi dæmi um vel heppnuð eintök.

Carlo

Hvernig geturðu gleymt The Rock, Hugi?

Hugi

Mér finnst "The Rock" ekki alveg eiga við á Íslandi. Ég meina "Rokkurinn" - hvað er það eiginlega, hljómar eins og einhver ævaforn spunakelling. Nafnið þarf að þýðast vel yfir á Íslensku, t.d. "The Bone Crusher" - Beini Mölbrjótur, "The Punisher" - Refsarinn, "The Anal Intruder" - Andrés Önd o.s.frv. Maður þarf að hugsa stórt í alþjóðavæddum heimi.

Útifrík

Hey... er nokkuð dottið úr tísku að bæta ....group aftan við nafnið. Svona til að vera alvöru alþjóðavæddur.

Carlo

The Hulk virkar náttúrulega vel enda myndi það vera Beljakinn á íslensku. Ég er ekki jafnviss með The Crusher til dæmis. Kremjarinn hljómar ekki vel og það næsta sem ég kemst einhverju góðu er Mulningsvélin sem hljómar, núorðið, eins og eitthvað úr auglýsingu fyrir óæðri tölvubúnað. The Rock er ágætt meðan það er kumpánlegt. Til dæmis Hnullinn eða... dare I say it? Bjargið? Ekki amalegt að vera Bjargið!

Hugi

The Rock sem "Bjargið", já, það er fínt. Group er náttúrulega í tísku, en "The Rock Group" er farið að hljóma full svona seventies-hljómsveitarlega. Ég tala nú ekki um "The Anal Intruder Group", púff maður, það er hópur sem ég vildi ekki mæta í Fishcersundinu á dimmu kvöldi. En það rímar samt alveg við fyrri þýðingu, því þá er það "Andrés Önd og félagar".

anna

Ha? Var einhver að tala um andrésblöð?

Hugi

Jújú, Andrés er alltaf í aðalhlutverki á þessu heimili. Ég gerðist ungur áskrifandi og hef ekki getað hætt andréslestri síðan þá. Gleymi aldrei þegar ég fékk fyrsta andrésblaðið mitt, reif það úr umbúðunum og las það aftur og aftur og aftur þar til ég sofnaði með það undir kinninni.

Carlo

Ég hef áhyggjur af því hvernig þú stundar Andrésblaðalesturinn, Hugi, miðað við hvernig þú þýðir hluti honum tengda yfir á ensku...

Hugi

Carlo, þú ert nú meiri pervertinn. Hér er ég að deila fallegri reynslu úr æsku, mínum fyrstu kynnum af mínum uppáhalds bókmenntum, og þú tengir það beint við einhverja umræðu sem við vorum löngu búin að klára frá. Ég er bæði undrandi og hneykslaður, ég átti síst von á þessu frá þér, svona traustum ungum manni.

Carlo

Þetta er allt Önnu að kenna. Satt!

The Boss

Já Hugi ,það er ljóst að ég verð að henda inn ákveðnum greini til að gera nafnið svalara. Ég meikaði samt ekki að íslenska það, "Stjórinn" hljómar eins og breskur lögregluþáttur (sé bara fyrir mér þá Taggart, Morse og Frost, ooohhhh), og "The Boss Group" hljómar eins og nafn á S&M klúbbi á Manhattan. Gengur ekki, verður því að vera The Boss héðan í frá með góðfúslegu leyfi frá Brúsa.

The Boss

Takk fyrir kærlega! Nú mun ég aldrei geta litið Andrés önd sömu augum aftur, ég mun alltaf sjá hann fyrir mér í keðjuþöktum svörtum leðurgalla með stélfjaðrirnar standandi útúr botnlausum brókunum og með leðurkaskeiti sem á stendur "Anal Intruder". Úff, Disney farinn að snúast eins og þeytivinda í gröfinni. Ég get ekki ímyndað mér meðferðina sem greyið hann Guffi fær í þínum höndum.

Hugi

Bossi, ég mundi raunar tvímælalaust stefna á nafnið "Stjórinn". Það er hentugt þegar þú gengur inn á fundi o.þ.h. að kynna þig bara sem Stjórann. Þú ættir pottþétt síðasta orðið í öllum viðræðum. Ég tala nú ekki um valdið sem þú færð yfir veikari hluta betra kynsins, því ég hef komist að því við rannsóknir mínar að hann er oft hrifinn af völdum. Og bíddu, þú ert bara að lýsa gamla góða Andrési Önd, er eitthvað óeðlilegt við þetta? Guffi fær raunar enga meðferð í mínum höndum, en það sem Mikki gerir við hann, hah, sannkölluð óknyttamús.

Elín

Ohhhhh völd! Dont get me started.........

Stjórinn

Já sveimérþá ef þetta er ekki bara að virka. Ég gat ekki séð betur en það brigði fyrir aðdáunarglampa í augum afgreiðsludömunnar í 10/11 þegar ég kvittaði "Stjórinn" undir kortasnifsið, og stelpan á vídeóleigunni þurfti hreinlega að setjast þegar hún sá undirskriftina. Takk kærlega Hugi, það er ljóst að innsæi þitt inn í hugarheim kvenna er nánast yfirnáttúrulegt. Ég þarf bara að reyna að losna við þennan þykka skoska hreim sem ósjálfrátt kemur í hvert skipti sem ég kynni mig sem Stjórann.

Hugi

Stjóri, alltaf gaman þegar boðskapurinn nær í gegn og það var mér sönn ánægja að geta hjálpað, . Ef þig vantar nánari leiðsögn í gegnum hugarheim kvenna, sem ég er vissulega vel kunnugur, vil ég benda á tvær bækur eftir mig, "Konur og völd" og "Völd og konur". Þær fást í öllum betri sjoppum landsins, yfirleitt við hliðina á rauðu seríunni (það er mynd af mér berum að ofan á koverinu, ég er alveg eins og Fabio, nema rauðhærður). Hvað varðar skoska hreiminn mæli ég með að þú haldir honum. Þá ertu ekki aðeins að auka möguleika þína meðal kvenþjóðarinnar, sem þykir skoskur hreimur mjög sexí, heldur einnig hjá a.m.k. þremur tegundum af búfénaði (er mér sagt).

Mjása

Þessi bloggsíða hefur súrast undanfarið. Maður er bara orðinn pínu hræddur. Hvað varð um gamla, góða, saklausa Huga?

Hugi

Æ afsakið, ég lenti í súrum félagsskap, það getur hent mann á verstu tímum. Ég er ennþá sami saklausi strákurinn þótt ég skrifi tóma þvælu. Ég skal skrifa eitthvað fallegt fyrir þig í kvöld.