Hugi Þórðarson

Jóladrumbur

Snillingurinn hún systir mín kann að velja gjafir, gaf mér áskrift að Bistro í afmælisgjöf. Ég er búinn að fá tvö blöð og þau lofa góðu.

Ég þarf hinsvegar að láta rannsaka aðeins í mér heilann, mikið þar um kolrangar tengingar og almennan misskilning. Þegar ég opnaði nýjasta blaðið var það fyrsta sem ég sá uppskrift að "Jóladrumbi". Ég veit ekki hvort þið lesið það sama í heiti réttarins og ég - fannst það agnarlítið spaugilegt. En þegar ég sá myndina við hliðina á uppskriftinni, af fullkláruðum jóladrumbi... Jæja, ég birti hér að neðan mynd af viðkomandi síðu með jóladrumbi og öllu og leyfi ykkur sjálfum að dæma. Þarf ég hjálp?

(og það eru aldeilis afköst hjá þessu fólki, að baka jóladrumbinn fyrir klukkan 10)

Mjása

Ég er fyrst! Vúhú! Æ, ég er líka kvefuð. Nenni ekki að vera sniðug. En ég er fyrst. Og hananú.

Hugi

Æ, greyið mitt. <a href="http://feedr.karlmenn.is/recipe/Kjuklingasupa">Góð kjúklingasúpa</a>. Allra meina bót. Láttu þér batna.

baun

hmmm...held ég gæti alveg staðist svona jóladrumb...jafnvel fyrir 10;)

Hugi

:-) Annars greinilegt að minn sjúki húmor er ekki mjög algengur meðal lesenda, af undirtektunum að dæma.

Barbie

Hahhahhaha, flissa alveg hátt! Meeen hvað mig langar ekki í svona...

baun

sko, drumb má skilja og misskilja í hengla en ég er bara svo vel upp alin...

Mjása

Ok, ég ætla ekki að vera smámunasöm en það vantar kjúklinginn í innihaldslýsingunni á kjúklingasúpunni. Ég geri mér grein fyrir að flestir hugsandi einstaklingar átti sig á því að í kjúklingasúpu þarf kjúkling en sumir eru cookingly challenged og þurfa 10 mínútur til að fatta hvaða fugl er verið að kaffæra.

Carlo

Jóladrumbur hljómar nú mun skár en þynnkudrumbur. Reyndar getur þannig nú veitt mikinn léttir. Veit ekki með jóladrumbinn...

Þór

Eina sem mér dettur í hug þegar ég heyri orðið "drumbur" er bútur af trjábol. Ég er kannski svona einfaldur. Hvað veit ég ? ( ekkert, apparently :P )

Miss G.

Já, stellið, glösin og garnishið blekkja engan. Þetta á heima í klóakinu og hvergi annars staðar. Og þar endar það líka. Á endanum. Ég endur tek, ég endur tek.

Hugi

Úff, gott að sjá að ég er ekki alveg einn um að misskilja þetta. Nú, eða _skilja_, allt eftir því hversu mikinn húmor Bistro-fólkið hefur. Mása, púff - búinn að bæta kjúklingi í kjúklingasúpuna :-). Og Miss G. satt, satt, allt endar þetta í klóakinu, sama hvaða nafni það nefnist.

Þór

Já svoleiðis... "In context", þá hljómar þetta sem alveg afskaplega óþægilegur misskilningur... Með flísum og greninálum... *ouch*