Blóðbergsskankar

8. ágúst 2007

(Fyrir þá sem ekki nenna að lesa langdregið bull þá er stutta útgáfan af þessari uppskrift hér).

Ég brá mér í heimsókn til foreldranna austur á land um daginn. Eitt kvöldið ætlaði ég að elda lambaskanka með rósmaríni (þá hina sömu og fengu Footbolt-meðferðina hér fyrir neðan), en þá kom upp meiriháttar slys: Það var ekki til ferskt rósmarín í öllu konungsríkinu!

Góð ráð voru dýr því án rósmaríns eru rósmarínskankar bara ótíndir skankar. Svo við brugðum á það ráð að fara upp í fjall og sækja okkur blóðberg. Útkoman var einhvernveginn svona...

Blóðbergsskankar

• 4 lambaskankar
• Slurkur af ólífuolíu
• 4 hvítlauksrif, skorin í þunnar sneiðar
• 1 laukur, smátt saxaður
• 1 msk saxað rósmarín/blóðberg
• 2dl hvítvín
• salt
• pipar

Hér til hliðar sjáum við glæsilegt eintak af blóðbergi. Það er í fullum blóma hérna, en ólyginn sagði mér að það væri best að tína það áður en það blómstrar. Það var því miður ekki kostur fyrir okkur í ágúst.

Þegar búið var að koma blóðberginu í hús hreinsuðum við ruslið frá og skoluðum. Gullfallegt.

Og hér er búið að hreinsa blómin í burtu, svo eftir standa bragðmikil laufin. Ég er ekki alveg viss á því hvort þetta er rétta leiðin, en ólyginn sagði mér að losa mig við blómin. Svo það gerði ég.

Setjið laukinn á pönnuna og kraumið þar til hann verður glær. Bætið hvítvíni og rósmaríni út í og látið krauma í dágóðan tíma.

Setjið sósuna í stóran pott og raðið lambaskönkunum ofan á.

Bla bla bla bla bla bla bla bla bla bla bla bla bla bla

---

Tjáskipti

Flæðið