Hugi Þórðarson

Kettir og mýs

Ég fékk mér smá kvöldgöngu meðfram Ægissíðunni áðan.

Á miðri leið í myrkrinu rakst ég á kött sem lá við hlið stígsins. Þar sem ég er haldinn ákveðinni einhverfu, sem lýsir sér þannig að ég verð að gæla við allt lítið, sætt og loðið sem ég sé, beygði ég mig niður að honum. Skyndilega stökk eitthvað smávaxið í áttina að mér úr grasinu milli okkar kisa en kisi tók viðbragð og geystist af stað á eftir því.

(Ég vil ímynda mér að fyrirbrigðið sem kom úr grasinu hafi verið mús, frekar en einn af þessum risavöxnu Skerjafjarðarkakkalökkum sem geta étið heilan dverg með einhjóli og öllu með miðdegiskaffinu).

Músin skynjaði samstundis að nærstaddur var músavinur og leitaði skjóls hjá mér - með því að hlaupa umhverfis fæturna á mér. Og kattarfjandinn fylgdi fast á eftir ("kisi" varð að "kattarfjanda" þegar hann fór að elta músina). Svo tók við æsispennandi eltingaleikur, og meðan Tommi og Jenni þutu í kringum mig, undir mig og framhjá mér gat ég ekkert gert annað en að stíga varlega til jarðar og vona að ég mundi ekki (a) kremja músargreyið eða (b) finna eltingarleikinn enda í buxnaskálminni minni.

Eftir talsverða hringavitleysu urðu dýrin ringluð og ráfuðu eitthvað út í myrkrið, en ég horfði á eftir þeim í þungum þönkum um tilgang lífsins - og hvort mýs bragðist vel.

Mikið fjandi geta mýs og kettir hlaupið hratt.

baun

af hverju eltir þú ekki köttinn? þú ert efstur í fæðupíramídanum, alveg rakið...

Hugi

Góð spurning baun, mjög góð spurning :-). Þessi köttur var fremur magur og ég var ekki með soyasósuna með mér. Og persónulega finnst mér fólk sem étur hráa ketti án þess að nota soyasósu *viðbjóðslegt*.

spennt

...það dregur ekkert úr spenningnum!!! ..uss..fer að verða aðdándi....

Kalli

Ég held að kettir séu einu ferfætlingarnir sem ég get ekki hugsað mér að éta. Ekki að ég sé kattavinur heldur finnst mér þeir bara ólystugir. Svo vona ég að ég þurfi ekki að skora á spennta í einvígi til að útkljá hvort okkar fær að eiga þig, Hugi minn.

Hugi

Heyrðu, spennt: Frábært! Mig vantar einmitt nýjan stalker. Þessi gamla er farin að verða svolítið augljós, eiginlega bara hætt að reyna. Bankar meira að segja stundum hjá mér á kvöldin og spyr hvort hún megi fylgjast með mér úr stofusófanum (gluggarnir hjá mér eru svo skítugir að það sést lítið að utan, vægast sagt ó-stalker-vænt). Hvenær gætirðu byrjað? Kalli, þar er ég sammála, það er eitthvað ólystugt við ketti. En ég mundi reyndar líka hugsa mig vel um áður en ég æti lemúra, rottur og skunka. Og auðvitað veistu að þú átt hjarta mitt allt.

Kalli

Hmmm... lemúrar... ef Don Pedro gefur mér leyfi til að éta þannig skal ég alveg gera það. Ég þarf að vita að það sé hægt að verka skunkinn svo það eru greinilega borderline case. En það er gott að vera elskaður.

Barbie

Ég er svo lánsöm að eiga 2 ketti sem elska mig heitt og eru þakklátir fyrir þurrfóðrið sem þeir fá hér. Daglega fæ ég mús að gjöf. Fyrst æpti ég. Skrækti svo. Lá við yfirliði þegar ein hljóp yfir mig og spólaði á hárinu á mér. Núna er ég með svona músarspítala starfræktan. Nú er ein með spelku á brotnum fæti, ein í andlegu sjokki og ein sem er með bit á hálsi. Svo sleppi ég þessu út þegar allir eru orðnir hressir bara svona svo að skrýtnka kisa og Jón Ingi geti hvalið þau meira. Eða hvað veit´ég.

Lína

Afleysingastalker!?! Þarf ég að fara að mæta með gluggasköfu á stofugluggann hjá þér? Yfir og út og alltumkríng Lína

Kalli

Annað hvort hef ég hrætt Spennta í burtu eða þá að hún er þegar byrjuð að stalka Huga og er ekki með nettengingu við það. Ef svo er óska ég henni velfarnaðar í nýju og ábyrgðarmiklu starfi. Hugi á ekkert skilið annað en fyrsta flokks stalker.

spennt

reyni að standa undir væntingum...

Hugi

Já, kalli - ég skal athuga hvernig á að verka skunk. Ég er kominn með tvo góða hlekki nú þegar: <a href="http://answers.yahoo.com/question/index?qid=20071005174156AAFqTXC">1. Að losna við skunkabragðið af skunkasteik</a> <a href="http://www.recipezaar.com/75396">2. Djúpsteiktir skunkabitar</a> Barbie, fallegt af þér að reka músaspítalann :-). Hvernig er heilbrigðiskerfi músa, færðu þetta allt greitt að fullu frá Tryggingastofnun eða þurfa þær sjálfar að standa undir kostnaðinum? Lína, stalker sem stalkar OG þrífur... Það er gott boð. Spennt, ég lít út um gluggann í kvöld og horfi eftir vafasömum einstaklingi í svörtum frakka og með dökk sólgleraugu.

Hugi

Er til gott íslenskt orð yfir "stalker"? Eltiskinn? Skuggasveinn? Fylgifiskur?

baun

"eltihrellir" hef ég heyrt..finnst það reyndar ekki mjög gott...hmmm...hvað með að kalla svona lið bara klikkhausa?

Kalli

Baun, er það faglegt álit þitt? :D Kalli: „Hvað heldurðu að sé að mér, læknir?“ Læknir: „Faglegt mat mitt er að þú sért klikkhaus. Caput Rabidus eins og við köllum það.“

Bullu-Kolla

Erum við hér að finna "starfsheiti" eða ?? Ef við ætlum að hafa þetta virðulegt starfsheiti sting ég uppá "Eftirlitsfræðingur". Lágmarksnám ætti að vera 3 ára háskólanám og ljúka með BS.gráðu í....humm...gluggaþvotti!!

spennt

..vá loksins er ég "að verða eitthvað"..ætli það sé hægt að setja "eltiskinn" í símaskrána? mér finnst eitthvað krúttlegt við það...en fylgifiskur hefur óneitanlega meiri "status"....hmm... ..annars er sá svarti fallegur.... tíhí

Hugi

Baun... Eltihrellir. Eltihrellir. Eltihrellireltihrellireltihrellireltihrellir. Vá, vonlaust að endurtaka það hratt. Spes orð. Ef sami maður hefði þýtt íslenska orðið yfir nauðgun væru nauðgarar líklega kallaðir <em>"hrellibellir"</em>. Líst þá betur á "klikkhaus"-tillöguna. Og ekki síður vel á "Caput Rabidus" :-D. Kolla, hehe, "eftirlitsfræðingur", það hljómar vel :-). Er sammála um að það sárvantar menntun og lögverndun starfsheitis í þessum bransa, allt of mikið um fúsk í þessu dag! Spennt, ég er handviss um að þú getur fengið þig símaskráða sem "eltiskinn". Það er nú veghefilsstjóri fyrir norðan sem er skráður "brautryðjandi". Og hvað segirðu, sá svarti fallegur - ertu djöfladýrkandi!? ;-)

Kalli

Miðað við hvernig allt er í dag, væri þá „eftirlitstæknir“ réttara en „eftirlitsfræðingur“?

Bullu-Kolla

Kalli: Ef um háskólanám væri að ræða yrði starfsheitið algjörlega að vera "fræðingur". En kúrs í fjarnámi við framhaldsskóla... ok, þá er ég með á "tækninum". Svo er spurning um heitið "Ofsækisfræðingur" Hvernig hljómar það? eða Ofsækistæknir? Hugi, ég er voða skotin í orðinu hrellibellir! Steinligg fyrir því...eða honum....eða eitthvað.....

Kalli

Mig hryllir við að hugsa um lokaverkefni í eftirlitsfræði...

Hugi

Pfffft, sammála - "tæknir" er voðalega eitthvað gamaldags, jafnvel tuttugustu-aldarlegt. Spurning: Tveir menn standa hlið við hlið og haldast í hendur (þeir gætu þessvegna verið u.þ.b. að fara að kyssast, hvað veit ég, ekki ætla ég að fara að dæma fólk út frá lífsstíl). Altént. Annar þeirra er meinatæknir, hinn er lífeindafræðingur - hvor haldið þið að sé gáfaðri?

Kalli

Sá hávaxnari.

Bullu-Kolla

Sá sem náði sér í skemmtilegu og ríku konuna og fer til Bahamas 3x á ári í frí í 4 mánuði í senn!! .. .og hann er sá dökkhærði...og drekkur Cola Light.. og á viðhald sem fer líka með honum til Bahamas, af því konan hans er vinnualki og kemst aldrei með....svo er hún líka hundleiðinleg...og með súrar tær! Nei, nú er ég alveg komin í hringi... farin að hringja.. eitthvert...

Hugi

LOL, þið eruð ágæt... Rétta svarið er raunar að þeir eru báðir fremur vitlausir. Það fer enginn með réttu ráði í heilbrigðisgeirann meðan Sjálfstæðisflokkurinn er með ráðuneytið. En ef nauðgarar eru hrellibellir hlýtur ritstjóri Kompás að vera hrelliballahrellir, ekki satt? Forsíða DV - fljótlega: Hrelliballahrellir fellir hrellibelli í Fellahelli með hrelliballahrellabrellum.

Kyngimögnuð

Húsamúsalús, kattarhattarskattar og hrellibellissvell... eitt er alveg víst, ummælin hér breyta gráum degi í gamansaman sólarhring!

spennt

..nei er hrifin af svona rauðhærðum ljósverum...en sá svarti puntar hann fallega...:) skuggadís..er það ekki krúttlegt?

Hugi

Kyngimögnuð, ég veit. Af einhverri ástæðu eruð þið öll snillingar sem skrifa hérna. Heppinn ég :-). spennt: "Skuggadís"... Það er fullkomið. Dulúðugt og kynæsandi. Þú ert ráðin. Rauðhærðar ljósverur, jahá...

spennt

víhú...en gaman ( þreytt á atvinnuleysinu..harður bransi..)..en gluggaþvottinn verður einhver annar að sjá um .. ;)