Já, það verður að vera á To-do listanum. Ef þig vantar tipps hef ég bæði borðað þær í bleikri sósu og ljósgrænni sósu. Þú hefur ekki lifað, fyrr en þú hefur smakkað Ora fiskibollur með 1% af fiski. Fiskbúðingurinn með ryðröndinni er líka algert möst.

Eitthvað það al-ógeðslegasta sem til er. Mig skortir orð. Sem gerist ekki oft.

Heyrðu, frábært - ég fæ kannski að leita til þín. Held barasta að ég verði að prófa þetta þjóðarfóður í kvöld. Mælirðu með einhverju meðlæti? Var að spá í að hafa glóðaðar trufflur, waldorf-salat og ferskan aspas steiktan úr smjöri, bergsalti og rósapipar.

Einmitt. Nú er spurningin bara sú hvers konar eðalvín hæfir þessum kúlinaríska menningararfi. Ég dáist að því hvað þú ert þjóðlegur.

Pedro, sumt bara verður maður að prófa í eitt skipti á ævinni. Svona eins og að ganga á Hvannadalshnúk. Jebb, Ora fiskibollur og Hvannadalshnúkur, sami hluturinn. Miss G., hentar ekki Chateau Skallagrímsson Malt-Extrakt '07 alveg konunglega með svona þjóðlegum mat? Það er annaðhvort það eða Chateau Lafite '47.

Jebb. Skallagrímsson '07. Fit for a king. Og bollur í dós. (Þú tekur þær vonandi úr dósinni).

Nú verður ekki aftur snúið Exception occurred in macro handling

Æði. Næsta mynd verður væntanlega af dósinni opinni á hellunni, með skeiðinni í? Og svo er spurningin, Barbíbleik sósa (uppstúf með tómatpuré) eða homage til Eyvindar (með hor), altso karrí. Ég hef ekki skemmt mér jafnvel í nokkra daga (sorglegt, en satt).

Það var önnur framleiðsluvara frá Ora að hafa beinlínusamband við mig rétt í þessu. Henni stendur ekki á sama um hvernig farið er með þessar systur hennar og lofaði að leiðbeina mér í gegnum matreiðsluna. Mér er mjög létt því ég veit náttúrulega ekkert hvað ég á að gera, hreinn Ora-fiskibollu-sveinn sem ég er. Og það verður auðvitað steinsmugugul karrýsósa með, hvernig spyrðu!

Ora fiskbollur í karrísósu er frábær íslenskur standard sem ætti að vera á þorrahlaðborðum. Hefðbundið meðlæti er soðnar kartöflur en ef þú vilt vera meira exotic eru hrísgrjón ekki slæm. Fiskbúðingurinn er líka fínn. Kubbaður og steiktur á pönnu með kartöflum eða steiktur í sneiðum og serveraður með einhvers konar frönskum og bökuðum baunum. Ég verð bara svangur...

ung var eg gefin ora *dæs* (og steins-mugugul er hrífandi orð)

Kalli, whoa... "hrís-grjón"? Við skulum ekki alveg tapa okkur í nýlenduvörusnobbinu hérna... Dæmigert fyrir þig, alltaf að slá um þig með einhverjum útlenskum gúrmet-mat. En ég þarf greinilega líka að prófa fiskbúðinginn (þótt eitthvað aftarlega í hausnum á mér segi mér að það sé rangt, rangt, rangt, að borða vöru sem heitir bæði "búðingur" og "fiskur"). Baun, ég samhryggist svo innilega - get ekki ímyndað mér hvað það hefur tekið á að vera soðin niður svona ung. Hérna - ... - þurrkaðu nú tárin af hvarminum og fáðu þér glóðvolgt nýbakað indverskt Steins-Mugugul. Það er allra meina bót :-).

þú lifir á brúninni Hugi minn. hvað rak þig þangað?

Kynhvötin.

I hear you brother. Alltaf þegar ég verð **** hugsa ég um Ora bollur í dós.

nú nú..ekki skuggadísin...?

Nákvæmlega, Miss G. Það er ekkert ekki kynferðislegt við Ora-fiskibollur. Ég veit það núna. Og Skuggadís - hvers vegna komstu nú ekki inn úr kuldanum og fékkst þér fiskibollur með mér? Er annars úrvinda eftir kvöldið, ætla að draga mig í hlé núna. Í boði Ora. {macro:km:picture id="1000490"}

ó. mæ. god. þú. vá.

Þú þyrftir að vera til á hverju heimili. Í hverju herbergi.

Ok - kannski ekki á klóinu.

Sagði ég þér ekki í dag að þurr Riesling (þýskur, natch) eða kannski Alsace Pinot Gris væri meira viðeigandi en Chardonnay? En svona er ég... nýlenduvörusnobb í mér alltaf hreint.

..langaði...en fjarlægðin hefur sjarma....einungis snillingar gera ævintýri úr Ora fiskbollum...;) Svo eru vinnureglur að troða viðfangsefninu ekki um tær...tja svona fyrsta kastið ... skuggadísin...

Mér finnst þetta ekki alveg fiskibolluídós stemmningin...

Haha Miss G. :-). Það er hægt að panta mig í öllum betri búðum. Fyrirgefðu Kalli minn, ég klikkaði á víninu. Þetta er bara góði gamli íslenski Kaldi sem er þarna í glasinu. Mér fannst það viðeigandi. Spennt... :-) Og gott að sjá að þú ert að höndla starfið þitt af fagmennsku. Alltof, alltof sjaldgæft hjá unga fólkinu í dag. Logi, það er ekki til sú stemning þar sem ekki má rífa upp góða fiskibolludós. Og mér finnst Ora vera að standa sig illa í markaðssetningu - það er t.d. alltaf nakið ástfangið fólk úti um allar trissur að drekka kampavín og fóðra hvort annað á jarðarberjum og súkkulaði . Það ættu auðvitað að vera fiskibollur og glóðheitur jafningur. Svo má framleiða sérstakar 70% fiskibollur fyrir sælkerana, möguleikarnir eru endalausir.

Ég sé að þú hefur svikið maltið. Það eru mikil vonbrigði! En fiskibolludósin fer vel við servíettuna sem hvílir hún á.

70% fiskibollur fyrir sælkera! Ég fer glöð inn í helgina.

70% af hverju? Ekki þó fiski? :o

Kyngimögnuð, Maltið fór nú á borðið seinna um kvöldið. Mun birta vandlega skjalfestingu á heildarfiskibolluferlinu innan tíðar. Kalli, ég kíkti á innihaldslýsinguna á fiskibollunum og ef ég man rétt þá innihalda þær 45% af fiski (þeir settu þó ekki orðið "fiskur" inn í gæsalappir eins og ég átti hálfpartinn von á). En það er allt í lagi, þeir bæta fyrir fiskskortinn með góðum slatta af E621 (msg). Góða helgi, Steinunn :-)

Hreint út sagt dásamleg hugmynd.

Mmmmm, MSG :D

Jújú, MSG er auðvitað frábært :-). Einn sit ég að bollum aftaninn vetrarlangan ilmar af gullnum dósum gamalla fiska angan. Þetta var gott kvöld.

"Fiskur" já..hvað er @ndsk. er það( skemmtilegar ábendingar um fleira í gæsalöppum má sjá á http://quotation-marks.blogspot.com/ ) Annars eru fiskibollur í dós fyrir mér hádegismatur barnæskunnar...eitt af þessum upplifelsum sem maður reynir ekki að endurlifa ;)

Oh Hugi! veistu ekki að ég má ekki hlæja mikið þessa dagana. Og svo kemurðu með hverja færsluna á fætur annarri. Ég hef hreinlega orðið að taka mér pásur frá lestrinum

Logi, þessi vefur er hrópandi snilld! Fyrirgefðu Fríða mín :-). En hvers vegna máttu ekki hlæja?

oh, tek undir með Fríðu, við veiklingarnir megum ekki við því að hlæja svona mikið þessa dagana. Miss G, ljósgrænni sósu? hvaþa? hvernig þá? Hugi, Jón Lárus eldaði reyndar lambaskankana frá þér í gærkvöldi og þeir voru ÆÐI.

Ég var að láta taka úr mér líffæri sem er orðið óþarft þegar maður (kona) á þrjú börn og ætlar ekki að eignast fleiri. En haltu samt endilega áfram að vera fyndinn, þ.e. þú sjálfur, því ég þarf á allri þeirri dægrastyttingu að halda sem ég mögulega get komist yfir.

Hidligunnur, það var ánægjulegt :-) - verði ykkur að góðu! Fríða, ég skal gera mitt besta :).

Afsakaðu Hugi, má ég aðeins fá lánað kommentakerfið? Ljósgræna sósan er svona karrísósa með gömlu íslensku karrídufti Hildigunnur, þér fannst barbíbleik ekkert spúkkuleg?

Fyrir piparsveina, sem eru ekki jafn lagnir í eldhúsinu og Hugi, er rétt að taka fram að Toro eða Knorr selur nú svona karrísósu í bréfum sem er akkúrat óldskúl fiskibollusósa. Sjóða kartöflur, malla sósuna eftir leiðbeiningum hellar úr bolludós og bíða eftir að þær verði heitar. Voila. Berist fram með flösku af Pinot Gris frá Alsace.

Kannski svolítið seint að tjá sig um þessar bollur sem framleiddar eru af ástríðu eins og segir utan á Ora sendibílunum. En … það er hægt að búa til alveg snilldar sjávarréttapasta að ítölskum sið og nota bollurnar niðurkubbaðar sem hluta af sjávarfangi fátæka mannsins — eða bara alfarið. Með þessari aðferð er hægt að gera tveggja manna veislu fyrir svona 300 kall á mann. Bara nota ímyndunaraflið.