Hugi Þórðarson

Kvef

Ég er úr leik, kviknakinn og kófsveittur í rúminu. Takk, bresku sýklar.

Guð gefi mér æðruleysi til að sætta mig við hausverkinn og beinverkina sem ég fæ ekki breytt
kjark til að éta stera við hóstanum (sem ég fæ breytt)
og koníak til að drekka þar á milli.

Þetta gladdi mig þó aðeins í miðju Creutzfeld-Jacob slímflóðinu - bresk lúðrasveit með hárbeittan húmor. Hlustið á fyrstu 30 sekúndurnar, hvílíkir öskrandi snillingar.

{macro:km:youtube video="YD38SQ8srXw"}

hildigunnur

úff, passasig, mín féll í lungnabólgu út frá þessu jukki :o

Hugi

Takka takka, ég ætla einmitt að fara varlega í ár - fékk einmitt í fyrra að njóta þeirrar dýrðar sem berkjubólga er og nenni því helst ekki aftur. Er búinn að framleiða tvö Þingvallavötn af slími í dag og notaði Hallormsstaðaskóg af snýtupappír til að ná því út. Hugsa að ég nái seint að kolefnisjafna síðustu viku.

vivian

Hvílík snilld!

Siggi Þorsteins

Ahahahahaha,, Láttu þér batna gamli.

Fríða

Ég stefni að því í næsta lífi að verða básúnuengill með bjarnarskinnshúfu og gera eins og hinir

spennt

æi það hlaut að vera...er að leita að hjúkkubúningnum...og uppskriftinni að kjúklingasúpunni...

Stefán Arason

Góðan bata vinur!

SSkoppur

Snilld.....þetta stef hljómar reglulega í hausnum á mér. Ég treysti á að þú verðir kominn á ról fyrir næstu helgi.

Hugi

Ah, takk hjörtun mín. Ég er allur að koma til, framleiddi ekki nema fimmtán lítra af slími í dag og hóstaði up óvenju fáum líffærum. Koppur, markmiðið með lífi mínu þessa dagana er að verða kominn á ról fyrir næstu helgi.