Hugi Þórðarson

Blastus frá pastus

{macro:km:picture id="1000497"}

Freknótta barnið er ég, úfni gaurinn á fingrinum á mér heitir Húnbogi Gils. Húnbogi eyddi nokkrum mánuðum á öxlinni á mér syngjandi í eyrað á mér, en seinna það sumar fann hann ástina og flúði land. Næstu þrjú sumur var alltaf þrastarhreiður á sama stað í garðinum hjá okkur og óvenju gæf þrastafjölskylda átti það til að þvælast fyrir heimilisfólkinu við garðvinnuna.

Viðbót kl. 15:52: Ansi magnað - það eru átta mínútur síðan ég birti þessa færslu en hún kemur nú þegar upp á Google. Duglegir strákar.

baun

svona er nú alltaf púkkað upp á landsbyggðaliðið...ekki kom það í blöðunum þegar ég tók þrjá þrastarunga í fóstur og gaf þeim svo mikið að éta að þeir drápust í þvottakörfunni heima. enda, íhíhíhíhíh..kem frá Kópavogi

Hugi

Baun þó! Baunbaunbaun. Mér skilst að skógarþrösturinn verpi 2 –3 sinnum á sumri og þá 4 – 6 eggjum í senn. Það þýðir að frjósömustu þrestir verpa 18 eggjum á sumri (og þínir þrestir hafa eflaust verið fremur frjósamir þar sem þeir voru úr Kópavogi - og við vitum öll hvernig kynhegðun fugla í því þrastasyndabæli er). Ef þetta gerðist 1970 eru 36 sumur síðan þetta var. Og ef einn þinna þrasta var kvenkyns og helmingur fæddra þrasta er kvenkyns þýðir það að þú berð beina ábyrgð á a.m.k. 9^36 skógarþrastasálum - 22.528.399.544.939.200.000.000.000.000.000.000 látnum eða ófæddum skógarþröstum. Og svo viltu bara fá umfjöllun um þetta í blöðunum!

Elín

Þú hefur ekkert breyst. :-)

Miss G

Hugi! Ef það voru ekki stórir skarar af kvenfólki með illa yfirbreidda ættleiðingarduld (eða eitthvað misjafnara) á sveimi í kringum þig á netinu, býst ég við öngþveiti á næstunni. (Ekki blogga um að þú sért ber). Mikið er þetta nú annars geðþekkur drengur og fallega úfinn skógarþröstur. (Ég ætla ekkert að spyrja út í flærnar).

Hugi

Takk fyrir falleg orð Miss G. - og aðvörunina! Ætla að vera á verði, svona ef það skyldi leynast kvenfólk með stór net og önnur barnaveiðarfæri og fyrir utan hurðina hjá mér þegar ég kem út. Annars er ég nú soddan ólátabelgur. Alltaf með hausinn fastan í einhverri súpuskál. Ættleiðingarduld.... :-D

Miss G

Prakkaraskapurinn bætir gráu ofan á svart. Killer blanda. Annars er ég frekar hneyksluð á því að Húnbogi Gils skyldi lenda á stelpuflandri. En, hvað getur maður sagt? Sjaldan launar þröstur vanþakklætið. Þú hefur væntanlega nagað þig í handarbörkinn yfir því að hann skuli hafa stungið af? Þetta með að mæta með fjölskylduna 2x eða 3x var bara máttleysislegt yfirklór. Flagari.

Miss G

Vonandi hefur hann flogið til Frakklands. Þeir vita hvernig á að koma fram við fugla þar. Sbr. Alouette og Je te plumerai la tête og allt það.

Hugi

Æ, ég vissi náttúrulega alltaf innst inni að maður getur ekki treyst skógarþresti. Oft er flagð undir fögrum fjöðrum. Verst fannst mér að hann hafði aldrei samband aftur. Flutti bara í næsta tré við hliðina með nýju flottu konuna sína (sem var auðvitað ekkert annað en bringan og gotraufin). Ég hef átt í miklum vandræðum með að treysta skógarþröstum síðan þetta gerðist - en tvö ár í sálfræðimeðferð og 2 ár sem hálsliðkari í kjúklingabúi hjálpuðu mér að fá útrás fyrir mestu reiðina. Og Aloutte er *vissulega* í miklu uppáhaldi hjá mér.

Miss G

Ég veit, hann hringdi ekki ... skrifaði ekki ... láttu mig þekkja það *dæs Spurning hvort ég ætti líka að fara að vinna á kjúklingabúi? Ég á harma að hefna gagnvart "Svarta kjúklingnum".

Sveinbjörn

Þú virðist eitthvað skeptískur á myndinni. Var trú þín á íslenska fjölmiðla ekki meiri en svo þegar þú varst ungur og saklaus?

Sveinbjörn

Btw, Hugi, þú verður að láta mig hafa meira af þessum Bach sembal konsertum sem þú sentir mér úr um daginn...

Hugi

Miss G., já, svarti kjúklingurinn braut mörg hjörtu. En síðast þegar ég frétti af honum var hann kominn inn á Betty Ford-stofnunina í Bandaríkjunum til að takast á við fuglaflensu svo það kom vel á vondan - fjandinn á egg út um allar jarðir. Sveinbjörn - veit ekki hvaðan skeptíkin kemur, ég hafði alltaf mikla trú á Fréttablaðinu Austurlandi, enda málgagn Alþýðubandalagsins :-). Og það flæða sembalkonsertar út um öll op á mér - kíktu í sembalkaffi þegar þú kemur til Íslands og ég skal sembala þig. Like you've never been sembaled before.

Miss G

Bölvaður gosinn. Ég ráðlegg þér að fara aldrei út úr húsi með svartan gúmmíhanska á höfðinu, ef þú veist hvað ég meina ;;)

Hugi

Suss, góða besta, engar áhyggjur. Ég er svo dannaður að mér dettur ekki í hug að vera með gúmmíhanska á hausnum, skipti yfir í angórufóðraða leðurhanska fyrir löngu síðan (þeir eru líka hentugri á veturna).

Dear Sir/Madam, We got your company information from the Internet. We, Harel Industry are manufacturer and exporter of high quality Leather Gloves and Garments from two decades. We have vast experience with own production unit so we can provide you excellent quality with competitive prices. Our range: Cordura Garments, Jackets, Pants, Gloves all sorts Leather Gloves, Winter Gloves, Summer Gloves, Ski Gloves, Driving Gloves Motorbike Leather Gloves Motorbike Garments Leather Garments etc Sports Garments all sorts If you interested into our above offered items simply let us know by return enabling us to send you further details like samples, prices for future concerned business. We can also provide your specific articles upon your scan images and drawings. Hope you will find us a reliable source of such leather garments and gloves. Awaiting your kind response. Best regards, Abdul Hameed Shakir Harel Industry Opposite Seventh Day Adventist Church Fateh Garh Sialkot 51310 - Pakistan Tel: 0092-334-8015756 Email: harelindustry@gmail.com www.harelindustry.com