Hugi Þórðarson

Stóri dagurinn nálgast

Afsakið, þögnina, er búinn að vera upptekinn við smíði á SHS (Stóra Hluta Skellasamanaranum).

Þetta er allt mjög spennandi, í næstu viku kælum við græjuna rétt niðurundir alkul, setjum Guðna Ágústsson öðrumegin og Davíð Oddsson hinumegin, hröðum þeim í 97% af ljóshraðanum og skellum þeim svo saman til að skoða innihaldið. Með þessu munum við væntanlega í fyrsta skipti geta sannað óvéfengjanlega tilvist Besser-Visser eindarinnar sem er talin gefa pólitíkusum um 99% af massa sínum.

Og af gefnu tilefni, heimurinn mun ekki enda - alveg rólegar þarna á Barnalandi. Í versta falli endum við með óvenju náið ríkisstjórnarsamstarf framsóknarflokks og sjálfstæðisflokks undir stjórn tvíhöfða skrímslis. En skv. útreikningum er það þó afar ósennilegt.

Ósk

Úff ég var alveg á röngum stað, ég hélt að þetta væti Large Hard-on Collider og er búin að túra landið í typpamælingum...

Kolla

Where does this leave us, the others who are not in childrensland? *hugs*hugs** Mun líklega ekki geta sofnað í kvöld fyrir marghöfða þursum.

Þór

Hugi þó... Að láta mann skella uppúr í miðri kennslustund. Væri kannski ekki neitt að því ef ég hefði ekki verið að kenna :P

Hugi

Ósk, algengur misskilningur. Hvernig gengur, einhverjar niðurstöður komnar í rannsóknirnar? Svafstu eitthvað í nótt, Kolla?

Hugi

Fyrirgefðu kæri Þór :-). Smelltirðu þessu ekki upp á myndvarpann?

Sveinbjörn

Ég segi að við komum upp Large Haarde Collider. I leave its function to the imagination... Annars þá langar mig að bresta í grát. Kostnaður á vörum og þjónustu í Skotlandi frá því að ég flutti hingað fyrir ári hefur farið upp um 40%.

Hugi

Large Haarde Collider.... I'm in! Og ég finn til með þér Sveinbjörn. Sjálfur er ég búinn að óska eftir að fá launin mín í ærgildum. Eða Zimbabve-dollurum.

Þór

Veistu Hugi, ég þorði það ekki :) Ég átti fullt í fangi með að hlæja ekki. En svona eftir á að hyggja, þá held ég að það hljóti að hafa verið hrein mannvonska að sýna þeim ekki síðuna, því núna halda þau örugglega hvert um sig að ég hafi verið að fara yfir verkefnin þeirra, og skemmt mér svona konunglega vel yfir þeim :D

Ósk

Sko... hick... ef ég gæti unnið fyrir stanslausu áti og víndrekki... hick... Annars sá ég einn fola míga úti á túni... teljast þeir með???