Hugi Þórðarson

Íslensk tónlist uppfærð fyrir 2009

Og löggan prumpar svooooona...

GAAAS!! GAAAS!! GAAAS!!

inga hanna

hvers á löggan að gjalda? þetta er vinnan þeirra og þeir fá ekkert nema skyr og leiðindi fyrir!

Hugi

Inga Hanna, það er efni í heila ritgerð... Er ekki innbyggt í okkur að mislíka við menn sem berja fólk með kylfum og úða yfir það táragasi, óháð því hvort það er vinnan þeirra og frá hverjum þeir fá launaseðil? Það er allavega víst að þegar ráðamenn neita að axla ábyrgð, neita að koma fram og ræða við þjóðina - neita yfir höfuð að gera *neitt* - og senda í staðinn fram varðmenn með skyldi og kylfur til að berja fólk í burtu. Tjah. Geturðu nefnt mér dæmi úr mannkynssögunni þar sem slíkt hefur gefist vel? Lögreglan er að verja ömurlegt fólk með ömurlegan málsstað og það vita þeir væntanlega sjálfir, jafnvel þótt þeir séu nú líklega fæstir í láglaunuðu valdstjórnarstarfi af hugsjón. Þeim er vorkunn að þurfa að standa í þessu. En á jákvæðu nótunum, þá er nú skyr gott fyrir beinin og vöðvana. Kalk og prótín. (annars var þessi færsla ekki ætluð til að drulla yfir lögguna, þótt hún eigi það á köflum alveg skilið)

Hugi

Ég var annars að koma neðan af Austurvelli... Stemningin þar er ólýsanleg.

inga hanna

nei Hugi, þessi hegðun og tilfinning er allavega ekki innbyggð í mig. ég tel algjörlega forsvaranlegt að beita piparúða og öðru því sem þörf er á við svona aðstæður, en tel hinsvegar algjörlega óforsvaranlegt hjá stjórnvöldum að sitja bara sem fastast og láta aðra berjast fyrir sig!

Hugi

Manstu eftir gömlu dæmisögunni um kínverjann sem þú lætur springa í höndinni á þér? Ef þú kreppir lófann utan um hann, þá sprengir hann höndina af þér - ef þú opnar lófann og leyfir honum að springa færðu í mesta lagi smá fleiður. M.ö.o., ofbeldi kallar á ofbeldi. Ef ráðist er á lögregluna með líkamsmeiðingum, þá hefur hún allan rétt á að verja sig - annars er beiting gass og kylfa algjörlega óréttlætanleg. Og ég vorkenni löggunni. Þeir kunna ekkert að takast á við þetta ástand og hafa ekki hugmynd um hvað þeir eiga að gera, svo auðvitað panikka þeir og fara beint út í of mikla hörku.

hildigunnur

Inga Hanna, það var svo sannarlega ekki bara úðað á fólk sem var með ofbeldi, margar myndir til af lögreglufólki úðandi á ljósmyndara og fólk sem var bara pollrólegt bak við grindverk og engin hætta á ferð hvorki fyrir lögreglufólkið, stjórnvöld, hús né eignir. Það er ekki forsvaranlegt!

hildigunnur

já og ef þú hefur tíma til að dunda þér við að plokka sundgleraugu af fólki áður en úðanum er sprautað (þú SKALT fá þetta í augun, helvítið þitt!), þá er engin neyð, bara kvalalosti á ferð.

Hugi

Ég tala nú ekki um þegar fulltrúar framkvæmdavaldsins öskra á mótmælendur með orðum eins og "Drullið ykkur í burtu helvítis aumingjar". Þetta er ekki til þess fallið að auka virðingu fyrir lögreglunni, enda barnaleg framkoma og sýnir algjört þroskaleysi. Valdstjórninni ber að sinna sínu starfi af yfivegun.