Makkentjís

Innihald

• 300g soðið spaghetti
• 6 sneiðar beikon
• 1 laukur, fínt saxaður
• 1 hvítlauksrif, marið og saxað smátt
• 30g smjör
• 30g hveiti
• 400ml mjólk
• 250g Gouda-ostur
• 50g Parmesan-ostur
• Salt
• Pipar

Aðferð

1. Beikonið skorið í bita og steikt þar til það er orðið vel stökkt (ekki brenna það samt!). Tekið af pönnunni og mulið í mola
2. Laukurinn steiktur upp úr 1tsk af beikonfitunni þar til hann verður glær. Hvítlauknum bætt á pönnuna þegar ca. 1 mínúta er eftir, beikoninu blandað samanvið og blandan tekin til hliðar.
3. Smjörbolla bökuð úr smjörinu og hveitinu í potti og mjólkinni blandað útí til að gera jafning (varlega, svo jafningurinn kekkist ekki).
4. 200g af gouda-ostinum blandað út í jafninginn og hrært þar til hann er bráðnaður. Beikon- og laukblöndunni blandað saman við og sósan krydduð m/s&p eftir smekk.
5. Setjið spaghettíið í eldfast mót. Hellið sósunni yfir og blandið vel. Dreifið restina af gouda-ostinum og parmesan yfir.
6. Bakið í ofni við 180°C þar til osturinn er fallega brúnn.